ნებისმიერი საჯდომის ფორმა შეიძლება ისე შეიცვალოს, რომ ძალიან სექსუალურად გამოიყურებოდეს, მაგრამ ვარჯიში ინდივიდუალურად, საჯდომის ფორმის გათვალისწინებით უნდა შეირჩეს!
1. ”კვადრატი”
- შენი ვარჯიში ყოველდღიურად:
დაწექი გვერდულად, გაიჭიმე სწორ ხაზზე. ზედა ფეხი ასწიე ვერტიკალურ მდებარეობამდე. შეასრულე 10 აწევა თითოეულ ფეხზე.
დადგი ფეხები მხრების სიგანეზე. ხელში 1-2 კგ-იანი ჰანტელი დაიჭირე. შეასრულე გადახრები მარჯვენა და მარცხენა მხარეზე. საწინააღმდეგო ხელი ზემოთ ასწიე (მაგალითად, როდესაც მარცხნივ გადაიხრები, მარჯვენა ხელი ასწიე და პირიქით).
2. ”წრე”
- შენი ვარჯიში ყოველდღიურად:
ყოველ დილა-საღამოს გააკეთე ვარჯიში ”ხიდი” – 5-ჯერ. როდესაც ხიდზე გადახვალ, 1 წთ გაჩერდი.
აიღე ხელში ჰანტელი, ცალი ფეხი უკან გაშალე და გაჭიმე. მუხლი უნდა დაიჭიმოს. სხეულის წონა წინა, მოხრილ ფეხზე გადაიტანე და ჩაჯექი. ზურგი დაჭიმული შეინარჩუნე. შეასრულე დღეში 15 ჩაჯდომა (თითოეულ ფეხზე).
3. ”გული”
- შენი ვარჯიში ყოველდღიურად:
დადექი სარკის წინ გვერდულად, რომ ჩაჯდომები აკონტროლო. ისე ჩაჯექი, თითქოს სკამზე ჯდები. მუხლები წინ არ უნდა მიდიოდეს. ზურგი სწორად გეჭიროს. შეასრულე დღეში 20 ჩაჯდომა.
ნახევარხიდი: დაწექი და ფეხები მუხლებში მოხარე. ხელები სხეულის გასწვრივ დადე და წელი მაქსიმალურად მაღლა აწიე. შეასრულე 25-ჯერ.
4. ”სამკუთხედი”
- შენი ვარჯიში ყოველდღიურად:
ნელი ჩაჯდომები: დადექი სარკესთან გვერდულად და ჩაჯექი ისე, თითქოს უკან მდგარ სკამზე უნდა დაჯდე. ფეხები ფართოდ დადგი და რაც შეიძლება ნელა იმოძრავე. დაბლა ჩასვლისას 10 წამით გაჩერდი.
გააკეთე დიდი ნაბიჯი წინ და თეძოებით მაქსიმალურად ქვემოთ ჩაჯექი. ნელა გასწორდი და ახლა იგივე მეორე ფეხით გაიმეორე. ამ ვარჯიშს მინიმუმ 15 წთ დაუთმე დღეში.