ზაფხულის მოსვლასთან ერთად წინა პლანზე კიდევ უფრო მეტად წამოიწია ზედმეტი კილოგრამების მოცილების თემამ.
ადამიანები ერთმანეთს თავიანთ გამოცდილებას უზიარებენ და ცდილობენ, სხვამაც განიცადოს წონაში კლებით გამოწვეული სიამოვნება.
ამჯერად ჩვენ არაჟნის კოქტეილის მომზადების წესებს გთავაზობთ, რადგან ბოლო პერიოდში ინტერნეტსივრცეში ის ნამდვილი ჰიტი გახდა.
ერთ-ერთ ჯგუფში კომენტარებში აღმოვაჩინე, რომ ამ კოქტეილით 50 კგ-ის დაკლებაც კი არის შესაძლებელი.
შეგახსენებთ, რომ კოქტეილი, რომლის მომზადების წესსაც ახლა გასწავლით, ერთი დღის არის, ანუ 1 პორცია. ყოველდღე ახალი კოქტეილი უნდა მოამზადოთ.
ადამიანები გვირჩევენ, რომ თუ კარგი იმუნიტეტი არ გვაქვს, ეს კოქტეილი გადაბმულად არ ვსვათ და რამე დიეტას უნდა შევუთავსოთ, რაც კვებასაც ითვალისწინებს.
მის მიღებას მონდომება სჭირდება, რადგან ზოგი არაჟნის კოქტეილის გემოს ვერ იტანს და ამ დიეტას ამიტომ ვერ იწყებს. თუმცა, ეს ყველა ადამიანს არ ეხება, რადგან ზოგი ამბობს, რომ მისი დალევა სულაც არ გასჭირვებია.
ვინც გარკვეული მიზეზების გამო სხვა სახის დიეტას ვერ იცავს, სწორედ ეს კოქტეილი დაეხმარება.
●გვჭირდება 500 გრამი არაჟანი. აუცილებლად უნდა იყოს 15%-იანი.
●არაჟანს შევურიოთ ნახევარი ლიტრი "ნაბეღლავი" ან "ბორჯომი"
●დავამატოთ 3 კბილი ნიორი და 1 კონა ქინძი
● მასას კარგად ავურევთ ერთმანეთში, დავაბლენდერებთ და არაჟნის კოქტეილიც მზადაა.
●ამ კოქტეილს ვსვამთ 3 დღის მანძილზე, ერთი დღე კი ვისვენებთ.
●ყველანაირი ხილის მიღებაა რეკომენდებული, ბანანის გარდა.
●მეოთხე დღეს (ანუ დასვენების დღეს) მივირთმევთ ყველანაირ საკვებს, ოღონდ მხოლოდ მოხარშულს
●ვისაც სურვილი და გამძლეობა აქვს, შეუძლია შემდეგ ისევ გაიმეოროს (პრინციპი არ იცვლება)
ხილი და ბოსტნეული დაშვებულია ცოცხლად. კარტოფილი რაციონიდან უნდა ამოვიღოთ.
წყალი აუცილებელი კომპონენტია და მინიმუმ 2 ლიტრამდე უნდა მივიღოთ.
ეს კოქტეილი მათაც დაეხმარება, ვინც ე.წ. გაყინული წონით იტანჯება და ვეღარ იკლებს.
წყალი, ყავა და ჩაი შეგიძლიათ იმ რაოდენობით სვათ, რა რაოდენობითაც გნებავთ, მხოლოდ უნდა გაითვალისწინოთ ის, რომ მაქსიმალურად ცოტა შაქარი გამოიყენოთ.