როგორ მოვუაროთ თმას? რჩევები ქართველი ბლოგერისგან
როგორ მოვუაროთ თმას? რჩევები  ქართველი ბლოგერისგან
სულ მალე 2 წელი გავა იმ დღის შემდეგ, რაც დავქორწინდი და უკვე შორეულ წარსულად მეჩვენება ის დღეები, მონატრებულ შეყვარებულთან შეხვედრამდე საათებს რომ ვითვლიდი... რა უცნაურია, არა? ის მომავალი, ერთ დროს წარმოუდგენლად რომ გვეჩვენებოდა, იქცევა თუ არა აწმყოდ, იმდენად შეგვესისხლხორცება ხოლმე, წარსულსაც კი გვავიწყებს.




მარი კაკაურიძე




ამას წინათ, წიგნების თაროს ვალაგებდი. ძველ, გამოუსადეგარ რვეულებსა და ჩანაწერებს ერთ ყუთში ვათავსებდი, ჩანაწერებს, რომლებიც აღარ მჭირდებოდა, მაგრამ გადასაყრელად მენანებოდა, რადგან სასიამოვნო მოგონებებს აღძრავდა ჩემში - მეორე ყუთში, ხოლო წიგნებსა და სხვა საჭირო ნივთებს კვლავ თაროზე
ვაწყობდი. ხელში ფრანსუაზა საგანის "გიყვართ ბრამსი?!" მომხვდა, ეს წიგნი მე ვაჩუქე ჩემს მეუღლეს, მაშინ, როცა შეყვარებულები ვიყავით. ყდის დანახვამ გონებაში ღრმად დალექილი, მოგონებების მორევში ჩაკარგული მოვლენები ამომიტივტივა და გამეღიმა. ფრთხილად გადავშალე, ფურცლებზე დამწკრივებული მტვრის ნაწილაკები ჰაერში აიშალენ და ცხვირში შემიძვრნენ, წიგნის სურნელმა კიდევ უფრო სასიამოვნო განწყობა შემიქმნა და სავარძელზე ჩამოვჯექი. მოულოდნელად წიგნიდან ფურცელი გადმოვარდა, რომელზეც ნაცნობი ხელით დაწერილი, ემოციური ჩანახატი აღმოვაჩინე:

"ამ წერილს შენ გწერ, მაგრამ ვიცი, შენამდე ვერასდროს მოაღწევს. საოცრად მომენატრე ამ წამს და შენი შეხება ვინატრე. როგორ მინდა, შენს მოციმციმე თვალებს ვხედავდე, შენ ალბათ ვერასდროს გაიგებ, როგორ მიყვარს, სიცილის დროს ტუჩების კუთხეებს რომ აპრიხავ ხოლმე და ღაწვებსა და თვალებს შორის ნაკეცები რომ გიკეთდება... მიყვარხარ მთელი არსებით, ეს ფრაზა სწორედ ჩემი გრძნობების გადმოსაცემადაა ნათქვამი, მგონი, მაგრამ ყველაზე მეტად იცი რა მიყვარს? შენი თმა მიყვარს... შენს დალალებთან თამაშით დავიძინებდი ახლა, არასდროს დამავიწყდება, პირველად რომ დაგინახე, ის დღე... სასაცილოა, არა, ერთი ნახვით შეყვარება? მაგრამ დავიფიცებ, ჩემთვის ყველაზე ძვირფასს, შენს დალალებს დავიფიცებ, რომ დავინახე თუ არა, ქარი თმას როგორ გიფრიალებდა, გულში თითქოს ბლანტი სითბო ჩამეღვარა და სულში ჩამწვდა... შენ ალბათ ვერასდროს გაიგებ, როგორ მენატრება შენი დალალები ახლა".

მის კალიგრაფიას ათას ნაწერში ამოვიცნობდი, მაგრამ ამ წერილის წაკითხვამ ძალიან დამაეჭვა. მამაკაცები იშვიათად გამოხატავენ ხოლმე ლამაზი სიტყვებითა და მხატვრული საშუალებებით თავიანთ გრძნობებს. არც მე ვიყავი კომპლიმენტებითა და რომანტიკით განებივრებული იმ დღემდე, თუმცა ამ ფურცელზე იმხელა სითბო და რომანტიკა იყო, ვფიქრობ, მთელი ცხოვრება მეყოფა. ძალიან გამეცინა მაშინ და ვიცინი ახლაც, როცა ვიხსენებ იმ ემოციებს, მაგრამ ეს ენდორფინის გადამეტებული რაოდენობით გამოწვეული სიცილია, ერთდროულად გაოცებითა და ბედნიერებით, შოკითა და სიხარულით გამოწვეული ემოცია.

ალბათ, ბევრმა თქვენგანმა იფიქრა, მსგავსი სიტყვები ჩემს ქმარს ალბათ არასდროს გაუვლია თავშიო, მაგრამ მერწმუნეთ, ხშირად ადამიანებში, კერძოთ კი, მამაკაცებში იმდენი სიყვარული და რომანტიკაა დამალული, ვერც კი წარმოიდგენთ, რადგან ჩემთვისაც ისევე დაუჯერებელი იყო, რომ ამ შინაარსის წერილის ავტორი ჩემი მეუღლე, ადრესატი კი - მე ვიქნებოდი, როგორც - თქვენთვის (ან შეიძლება უფრო მეტადაც კი). წერილის შესახებ არაფერი მითქვამს, ავიღე და უსაფრთხო ადგილას შევინახე. ყოველთვის, როცა მოწყენილი, გადაღლილი ან სასოწარკვეთილი ვარ, ვკითხულობ და ყველა პრობლემა მავიწყდება.

თმა, ქალებისთვის დიდი სიმდიდრეა, რომელსაც მოვლა და გაფრთხილება სჭირდება. ის იარაღია, რომლის სწორად გამოყენების შემთხვევაში ყოველთვის ყურადღების ცენტრში იქნებით.

როგორ მოვუაროთ თმას?

• აუცილებელია სწორად შეარჩიოთ, რა მასალისგანაა დამზადებული სავარცხელი;

1. რქის სავარცხელი - შემადგენლობის მიხედვით თმა და რქა, პრაქტიკულად, იდენტურია. ამიტომ რქის მიკრონაწილაკები არავითარ უარყოფით ზემოქმედებას არ ახდენს თმაზე. თუმცა ყურადღებით იყავით, რადგან რქის სავარცხლის დაზიანებამ შეიძლება თქვენს თმასაც ავნოს (ამოგლიჯოს, გაწყვიტოს, გაყოს თმის ღერები).


2. ლითონის სავარცხელი - კატეგორიულად აკრძალულია შეღებილი თმისთვის. ლითონს აქვს ჟანგვის თვისება, ჟანგი კი შეიძლება რეაქციაში შევიდეს საღებავთან და შეცვალოს თმის ფერი. ლითონის სავარცხელი მეტწილად გამოიყენება რთულად დასავარცხნი თმებისთვის, თუმცა მისი ყოველდღიურად მოხმარება არაა რეკომენდებული.


3. პლასტმასის სავარცხელი - ყველაზე გავრცელებული, იაფი და ხელმისაწვდომია. არ უნდა იყოს დაზიანებული. ხელის გადასმით შეამოწმეთ, ხომ არის იდეალურად გლუვი, მას არ უნდა აღენიშნებოდეს ბზარები და ნაპრალები. პლასტმასის სავარცხლის უმთავრესი ნაკლი ისაა, რომ ის ძლიერად იმუხტება, რაც თავის ტკივილს იწვევს. ამიტომ, უმჯობესია, შეიძინოთ სავარცხელი, რომელიც დაფარულია ანტისტატიკური საფარით.


4. ხის სავარცხელი - არსებულ მასალათაგან ყველაზე ჯანსაღი ხეა. კარგად დამუშავებული ხისგან დამზადებული სავარცხელი არ იმუხტება, ხსნის სტატიკურ ელექტროობას, არ შედის რეაქციაში არანაირ საღებავთან, არ აზიანებს თმას და პირიქით, დადებითადაც კი მოქმედებს მასზე.


5. სილიკონის სავარცხელი - კომფორტულია, არასტატიკურია, კარგად სრიალებს თმაში და ქმნის სასიამოვნო შეგრძნებას.

სამი რამ, რაც ყველამ უნდა იცოდეს სავარცხლის შესახებ:

1. სავარცხლის ფორმა თმის ტიპის მიხედვით უნდა შეარჩიოთ.
2. სავარცხლის სხვისთვის თხოვება არაა რეკომენდებული.
3. ხშირად გარეცხეთ სავარცხელი.


• ასევე, სპეციალურად უნდა შეარჩიოთ დასაბანი საშუალებაც; არაა აუცილებელი ძვირად ღირებული შამპუნების შეძენა, მაგრამ მნიშვნელოვანია გაეცნოთ ეტიკეტზე მითითებულ ცნობებს - რა მასალისგანაა დამზადებული, როგორი თმისთვისაა და ა.შ.

• დაუთმეთ თმას 5 წუთი ყოველ ღამე, ძილის წინ: ჩამოივარცხნეთ რაც შეიძლება ბევრჯერ;

• თმა უნდა დაიბანოთ მინიმუმ კვირაში ორჯერ, მაქსიმუმ - სამ დღეში ერთხელ. ცდებით, თუ ფიქრობთ, რომ თმის ხშირად დაბანა სასარგებლოა.

• და რაც მთავარია, არ დაგავიწყდეთ, რომ თმას გამოკვება სჭირდება ისევე, როგორც თქვენს ორგანიზმს! გთავაზობთ ძალიან ეფექტური და სასარგებლო თმის ნიღბის რეცეპტს, რომლის დამზადებაც ძალიან მარტივად, სახლის პირობებშიც შეგიძლიათ.
მომზადების წესი: აბუსალათინის ზეთს დაუმატეთ თითო ამპულა: ვიტამინი A, ვიტამინი E, ვიტამინი C, ვიტამინი B1, ვიტამინი B12 და ვიტამინი PP (ნიაცინი, ნიკოტინამიდი).

ვიტამინების ნაკრები ხელს უწყობს კოლაგენური ბოჭკოებისა და კერატინის სინთეზს, რომლებიც უზრუნველყოფენ თმის ელასტიკურობასა და სირბილეს; უზრუნველყოფს თმის ბზინვარებას. ამას გარდა, იგი იცავს თმას გარემოს ნეგატიური ფაქტორებისგან, ახდენს თმის ცვენის პროფილაქტიკას, უზრუნველყოფს თმის ბოლქვების სისხლით მომარაგებას, ახდენს კანის ცხიმის გამომუშავების ნორმალიზებას - ხელს უწყობს რა ჭარბი ცხიმებისა და ქერტლის მოცილებას; ამაგრებს თმის თითოეულ ღერს და საგრძნობლად აჩქარებს მისი ზრდის სიჩქარეს.

სითხე შეიზილეთ ნელი მასაჟით თმაზე, გაიჩერეთ 1-1.5 საათი და ჩამოიბანეთ.

იხილეთ ასევე: 5 მეთოდი იმისათვის, რომ თმა დიდი ხნით შეინარჩუნოთ სუფთად

9 ხრიკი, რომლის მეშვეობითაც თავის ყოველდღე დაბანა არ დაგჭირდებათ

როგორი სავარცხელი უნდა იხმაროთ თმის ტიპის მიხედვით








კომენტარები (0)
კომენტარი ჯერ არ გაკეთებულა
ამ კატეგორიების სხვა სიახლეები
ტოპ-5 ჰიტი შენი საგაზაფხულო განწყობისთვის - მოუსმინე და გადაიწერე მარტივად
10:07 / 22-05-2018
კარგი ამინდი და გემოვნებიანი მუსიკა - კარგი განწყობის შექმნაში უდიდეს როლს ასრულებს. ჩვენ შევარჩიეთ 5 ცნობილი ჰიტი, რომელიც ნამდვილად აგიმაღლებთ განწყობას.
ქორწილი სასიძოს გარეშე - როგორ შეძლო ორმა ქალმა ყველას მოტყუება
00:07 / 20-05-2018
დაუჯერებელი ისტორია, რომლის შესახებაც დღეს უნდა მოგიყვეთ, ორ ქალზეა..
ქვრივი, რომელიც "მსოფლიოში ყველაზე მახინჯი ქალის" ტიტულისთვის იბრძოდა
14:17 / 15-05-2018
სილამაზეზე დაუსრულებლად შეიძლება კამათი, მაგრამ სიმახინჯეზე? მერი ენ ბევანი იმ ეპოქაში ცხოვრობდა, რომელშიც განსხვავებულ ადამიანებს მასხრად იგდებდნენ.
აჩრდილები მე-19 საუკუნის ფოტოგრაფიაში - რა საიდუმლოს ინახავენ ძველი ფოტოები
11:06 / 14-05-2018
ადამიანებს ოდითგანვე სჯეროდათ უხილავი არსებების, მოჩვენებების, რომლებიც განსხეულებულნი იყვნენ. მსურს, გაგიზიაროთ უცნაური და ამოუხსნელი აღმოჩენები ფოტოგრაფიაში.
“იქს ფაქტორის“ ტოპ-5 ყველაზე დასამახსოვრებელი მონაწილე
10:46 / 14-05-2018
"იქს ფაქტორი" გრანდიოზული აღმოჩენების პროექტია. შოუ არაერთ მომღერალს დაეხმარა, თავისი შესაძლებლობები ფართო აუდიტორიისთვის გაეცნო.
ახალგაზრდა ქართველები, რომლებიც ახალ თაობაზე ახლად დამკვიდრებულ სტერეოტიპებს ანგრევენ
10:02 / 14-05-2018
ქვეყანაში მიმდინარე მოვლენებმა საზოგადოებრივი აზრის ორად გაყოფა გამოიწვია. თბილისის კლუბებში ჩატარებული სპეცოპერაციის გასაპროტესტებლად ახალგაზრდებმა მშვიდობიანი აქცია გამართეს.
იატაკქვეშეთში გამომწყვდეული გოგონა, რომელმაც სიკვდილის შემდეგ მთელი მსოფლიო ააღელვა
12:22 / 09-05-2018
რამდენი დროც უნდა გავიდეს და როგორც უნდა გადაფასდეს მოვლენები, მეორე მსოფლიო ომი კაცობრიობის ისტორიის უდიდეს ადამიანურ ტრაგედიად დარჩება.
იქორწინოთ თუ არა მაისში? რა პლუსები აქვს მაისში ქორწინებას?
11:43 / 06-05-2018
ქორწინება ნებისმიერი ადამიანის ცხოვრებაში უმნიშვნელოვანესი მოვლენაა.
ყველაზე მნიშვნელოვანი კითხვა, რომელიც საკუთარ თავს უნდა დაუსვა
15:01 / 01-05-2018
უცნაური არსებები ვართ ადამიანები, ასე არ ფიქრობთ? ჩვენ ვპასუხობთ მაშინ, როდესაც არაფერს გვეკითხებიან და ჩუმად ვართ, როდესაც კითხვით მოგვმართავენ.
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი