შოშიას ბლოგი: ნუ შემოუშვებთ სიკვდილს სხეულში!
შოშიას ბლოგი: ნუ შემოუშვებთ სიკვდილს სხეულში!
რამდენიმე დღის წინ Jem Fest-ზე 22 წლის გოგონას გარდაცვალების ამბავმა მთელი საქართველო კიდევ ერთხელ შეძრა!
ეს უკვე მერამდენე შემთხვევაა, როცა გაურკვეველი ნივთიერების მიერ გამოწვეული ინტოქსიკაციის შედეგად ახალგაზრდები იღუპებიან! უკვე მერამდენედ იკრავენ მშობლები საღსალამათი შვილების გაციებულ და განაწამებ სხეულებს გულში! უკვე მერამდენედ დგანან სასოწარკვეთილი მეგობრები და თანატოლები საზარელი რეალობის პირისპირ და
საზოგადოება რჩება აუტანელი უმწეობის მდგომარეობაში!

იმ გოგო-ბიჭებსაც ისევე უხაროდათ სიცოცხლე და უყვარდათ ცხოვრება, როგორც ჩვენ! მათაც ჰქონდათ სურვილები და ოცნებები, ფიქრები და განცდები და ალბათ, არც უფიქრიათ, თუ უნებურად მათ ფრთებს აკვეცდნენ. მათაც ისევე ზრდიდნენ და ასწავლიდნენ, როგორც ჩვენ! მათაც ისევე ეფერებოდნენ და უფრთხილდებოდნენ, როგორც ჩვენ! ალბათ, სახლიდან გასვლისას მათაც კოცნიდნენ დედები და ფრთხილად იყავი, შვილოო, - აბარებდნენ... ალბათ, მათ მომავალსაც სიამაყით ელოდნენ მამები, რათა მერე კარგი შვილებით თავი მოეწონებინათ... შვილები კი თეთრმა, შავმა თუ რა მნიშვნელობა აქვს, რა ფერის სიკვდილმა წაართვა!

...განადგურებული მშობლები, გამშრალი მეგობრები, დაბნეული საზოგადოება, დამარცხებული ექიმები და ასევე დამარცხებული ახალგაზრდები, რომლებმაც ალბათ, გაუცნობიერებლად, უნებურად თავად ჩააბარეს სიკვდილს სამყაროს ყველაზე ძვირფასი საჩუქარი - საკუთარი სიცოცხლე!



ბავშვებო, გიფიქრიათ, როცა ღამით სახლში დაბრუნებას აგვიანებთ, როგორ განიცდიან ამას თქვენი დედები და მამები?! გიფიქრიათ, როგორი გაფაციცებით უგდებენ ყურს ღამის სიჩუმეში თუნდაც უმნიშვნელო ჩქამს და ხმაურს, როგორი შინაგანი ღელვით გაცილებენ შორ გზაზე, მერე როგორ ითვლიან დღეებს და გულისფანცქალით ელიან თქვენ დაბრუნებას?! გინახავთ, როგორ ლოცულობენ დედები ღვთისმშობლის ხატის წინ და გულმხურვალედ ავედრებენ თქვენს სიცოცხლეს?! გინახავთ, მამები როგორ მალავენ ცრემლს და გულში იბრუნებენ ყელში ბურთად გაჩხერილ ბოღმას?! გიფიქრიათ იმაზე, რომ თუ თქვენ რამე დაგემართებათ, თქვენი მშობლებისთვის ეს ცოცხლად დამარხვის ტოლფასი იქნება?!

ალბათ, არ გიფიქრიათ... და გეპატიებათ, რადგან თქვენ ისეთი ახალგაზრდები, ლაღები, სიცოცხლით სავსენი და იმედიანები ხართ, მძიმე ფიქრებს თქვენთან რა ხელი აქვს!..
და მაინც მინდა მთელი გულით გთხოვოთ, მინდა მთელი ხმით ვიყვირო, იქნებ ხმა მოგაწვდინოთ: ნუ იზამთ ამას! ნუ შემოუშვებთ სიკვდილს თქვენს ჯანსაღ, ლამაზ სხეულებში!

განა იმიტომ, რომ მშობლები იყვნენ კმაყოფილნი და ბედნიერნი, არა! პირველ რიგში, იმისთვის, რომ თქვენ თავად იყოთ ბედნიერნი და უყუროთ მსოფლიოს ნათელი, მართალი თვალებით! რომ შეგეძლოთ ფხიზლებმა იფრინოთ ლაღად და თავისუფლად თქვენს წარმოსახვებსა და ოცნებებში, რომ მზად იყოთ მიიღოთ და აიტანოთ ნებისმიერი რეალობა და შეგეძლოთ მასთან შებრძოლება. რომ შეძლოთ თქვენი სურვილებისა და მისწრაფებების რეალიზება და საკუთარი მიღწევებით ტკბობა! იმისთვის, რომ გაამართლოთ თქვენი ამქვეყნად არსებობა! რადგან ჩემი აზრით, ტყუილად არ მოსულხართ. ასე, უბრალოდ და ტყუილად, ქინქლა და ხავსიც კი არ ჩნდება - ყველას და ყველაფერს თავისი ადგილი და დანიშნულება გააჩნია. ჩემი აზრით, სამყაროში დაბადებასა და გარდაცვალებაზე დიდი საიდუმლო არ არსებობს! და რადგან დაბადებას არ გვეკითხებიან, ალბათ, გარდაცვალებასაც არ დაგვანებებენ!

ამიტომ გთხოვთ, თქვენს ძვირფას დედიკოებს გაფიცებთ, ნუ შემოუშვებთ სიკვდილს თქვენს სხეულებში: ნუ მოწევთ, ნუ გადაყლაპავთ, ნუ გაიკეთებთ! - ეს არის სიკვდილი! თავადაც ხომ ხედავთ, სწორედ ეგ არის სიკვდილი! და როგორც კარიკატურებში ხატავენ, მართლა ცელითა და კაპიუშონიანი მოსასხამით კი არ დადის!

იხილეთ ასევე:

შოშიას ბლოგი: მიეცით მათ ის, რაც ყველაზე მეტად აკლიათ - სიყვარული!

შოშიას ბლოგი: ვინ აირჩია კაცმა, რომელსაც არჩევანი ცოლსა და საყვარელს შორის უნდა გაეკეთებინა

შოშიას ბლოგი: ბიჭი პეკინის ქუჩიდან





კომენტარები (2)
შოშია
გარის: დიდი მადლობა!
გარი
შენ გაიხარე შოშია,ყველა ასე რომ აზროვნებდეს ბედნიერები ვიქნებით,შენმა ნააზრევმა ამატირა,მიყვარს ასეთი ადამიანები,წარმატებები არმოგკლებოდეს სულით მშვენიერო ახალგაზრდავ,

ამ კატეგორიების სხვა სიახლეები
ექსკლუზივი: როგორ ატარებს თავისუფალ დროს ტახტის ერთადერთი მემკვიდრე - დუბაის პრინცი და როგორ ფოტოებს აქვეყნებს „ინსტაგრამზე“
17:05 / 16-07-2018
სწორედ მის მშობლებს ჰქონდათ ისტორიაში ყველაზე მდიდრული ქორწილი, რომლის ბიუჯეტიც 137 მილიონ დოლარს შეადგენდა.
თუ გგონიათ, რომ 70 წლის შემდეგ მოიწყენთ, შეხედეთ, ამ ადამიანებს
13:41 / 14-07-2018
უმრავლესობას სიბერის ეშინია და ვერ წარმოუდგენია, რომ ბებერს, რაიმეს გაკეთება შეუძლია. ამ ადამიანებმა დაამტკიცეს, რომ სიბერე სასჯელი არაა, თუ თავად არ გადაწყვეტთ, დროზე ადრე დაბერებას.
თავშესაფარი. ძარცვა (თავი 13)
12:19 / 12-07-2018
გიორგი მანქანას სადარბაზოსთან მიჩერებს. ჯერ თვითონ გადადის, იქაურობას ზვერავს, სიტუაციის რისკებს ითვალისწინებს და მერე ისევ თავის სავარძელს უბრუნდება.
 ჩალის ქუდი - აქსესუარი, რომელიც შენს ლუქს განსაკუთრებულს გახდის
11:29 / 12-07-2018
გიფიქრიათ, რომელია ყველაზე იდუმალი აქსესუარი? იდუმალი არა იმიტომ, რომ მას უკავშირდება საიდუმლოებითა და თავგადასავლებით მოცული ისტორიები, არამედ იმიტომ, რომ მისი მორგებისას თავს გრძნობთ სწორედ ასე.
"პირველი ღამის" კოშმარი და მეთვრამეტე "არასოდეს"
15:32 / 10-07-2018
მამაკაცებისაგან განსხვავებით, ქალებს დეტალებში გვამახსოვრდება განსაკუთრებული მომენტები ჩვენი ცხოვრებიდან. ჩვენთვის მნიშვნელოვანია - პირველი პაემანი, პირველი კოცნა, პირველი ცეკვა მამაკაცთან (ნელ მუსიკაზე), პირველი... - ნუ, გასაგებია რაც... და ა.შ.
უსახელო: რა ბინადრობს ბერკლის სკვერის 50 ნომერ სახლში?
12:06 / 08-07-2018
ნისლიანი ლონდონი, კიდევ უფრო მისტიკურობას სძენს ქალაქს. თითქოს ყოველი ქუჩის კუთხიდან პოლტერგეისტი მოჩანს.
ისწავლე უცხოელების შეცდომებზე - ტოპ 4 რამ, რაც ამაზონზე „შოპინგის“ დროს ეშლებათ
12:28 / 04-07-2018
"ამაზონს" 390 $ მილიარდის კაპიტალი აქვს, რაც ბევრად აღემატება საცალო ვაჭრობაზე მომუშავე ნებისმიერი კომპანიის ფინანსებს.
რა საიდუმლოს მალავდა მკვლელი ძიძა - ერთადერთი პატიმარი ქალი ახალ ზელანდიაში
23:52 / 20-06-2018
ადგილობრივთა ლეგენდის მიხედვით, ბავშვებს აშინებდნენ, რომ თუ ცუდად მოიქცეოდნენ, მათთან ბოროტი ჯადოქარი, სახელად მინი დინი მივიდოდა. ეს ლეგენდა სიმართლეს მოკლებული სულაც არ იყო, რადგან პერსონაჟი რეალურად არსებობდა.
წვიმის ოცდაერთი მსხვერპლის სისხლს თბილისს წვიმა ვეღარასოდეს ჩამობანს - ისტორია, რომელიც წყალმა წაიღო...
12:50 / 13-06-2018
ზაფხულის ერთი დღე - 13 ივნისი, არაფრით გამორჩეული არ უნდა ყოფილიყო. მეგობრებს სახლში გათენებამდე უნდა ემეცადინათ; მოშორებით ბიჭს ჟღალთმიანი გოგონასთვის უნდა ეთქვა, რომ რუსეთში აღარ წავიდოდა, რადგან ერთი წითური გოგო შეუყვარდა.
ის, რაც მეტროს შესახებ არ იცოდით - თბილისის მეტროს ღამის ცხოვრება
15:15 / 05-06-2018
თბილისის მიწისქვეშეთი – რეალური თუ მოგონილი ისტორიებით, ლეგენდებითა და მითებით, თითქოს ცალკე სამყაროა. მისტიკური ქალაქი ქალაქის ქვეშ, რომელსაც თავისი ისტორია აქვს!
გამოკითხვა
რომელ მომსახურებას იყენებთ ყველაზე ხშირად ფასდაკლების საიტებზე?
არქივის კალენდარი
ორ სა ოთ ხუ პა შა კვ
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31