თამთა გოდუაძე უკვე დიდი ხანია, რაც საბერძნეთში მოღვაწეობს. 2017 წელს ბერძნულ ჟურნალში - ”CELEBRITY”, იგი სტილის კერპად აღიარეს.
ალბათ, გემახსოვრებათ, რომ ნიჭიერი მომღერალი 2014 წელს ქართულ „იქს ფაქტორში“ ჟიურის წევრად მოგვევლინა, რამაც ქართველების მხრიდან მის მიმართ ინტერესის გაზრდა გამოიწვია.
თამთა ის მომღერალია, რომლის ნიჭსაც ყველა აღიარებს. ის 2016 წელს ბერძნული „იქს ფაქტორის“ ჟიურის წევრიც იყო.
აღსანიშნავია, რომ საოცრად გემოვნებიანი ქალბატონია და სამოსი, რომელიც აცვია, ყოველთვის ტრენდულია. მისი ჩაცმულობა ერთგვარი მაგალითიცაა, რადგან გოგონები ხშირად ცდილობენ, რომ მას მიბაძონ.
თამთა პროფესიონალებთან ერთად მუშაობს იმისთვის, რომ მისი სტილი დახვეწილი და თანამედროვე იყოს.
ეს მშვენიერი ქალბატონი „ინსტაგრამის“ აქტიური მომხმარებელი გახლავთ. სხვადასხვა შოუს და აქტივობის ამსახველი ფოტოები მის გვერდზეა თავმოყრილი.
მომღერალი თამამი და სექსუალური იმიჯის მორგებას არ ერიდება. თამთას მაკიაჟი, ჩაცმის სტილი, ვარცხნილობა ყოველთვის ეპატაჟური და საინტერესოა, რაც მის მიმართ ინტერესს კიდევ უფრო აღვივებს.
წლევანდელ "იქს ფაქტორში" თამთა ძალიან საინტერესო ლუქებით წარდგა.
უყურეთ (მეორე შესარჩევ) გადაცემას დღეს, 22 საათზე, "TV იმედის" ეთერში.