ოთახის მცენარეები თითქმის ყველა სახლშია. ისინი გარემოს გვილამაზებენ, ჰაერს წმენდენ, უბრალოდ, კარგ ხასიათზე გვაყენებენ, ესთეტიკურ სიამოვნებას გვანიჭებენ, თუმცა ცოტა ადამიანი თუ დაფიქრებულა იმის შესახებ, რომ ჩვენმა მწვანე მეგობრებმა შესაძლოა სარგებლის გარდა, გვავნონ კიდეც.
რა უნდა ვიცოდეთ და რა უნდა გავაკეთოთ საიმისოდ, რომ სახლში მხოლოდ დადებითი ენერგეტიკის მატარებელი მცენარეები გავახაროთ.
ჩვენს ცხოვრებაში უამრავი ცრურწმენა არსებობს. ზოგიერთი მათგანი მცენარეებსაც უკავშირდება, ყველაზე ხშირად ოთახის მცენარეებს. ადამიანები უხსოვარი დროიდან თვლიდნენ, რომ თითოეული მცენარე საკუთარ მაგიურ ძალასა და ენერგიას ფლობს. ადამიანების მოსაჯადოებლად ჯადოქრები და მისნები ტყუილად როდი იყენებდნენ სხვადასხვა მცენარეს.
თანამედროვეები კი მივიდნენ დასკვნამდე, რომ მცენარეები შეიგრძნობენ ადამიანებს, იმახსოვრებენ ყველაფერს და უფრო მეტიც, როგორც ცოცხალი ორგანიზმები, ჩვეულებრივ განიცდიან ტკივილის შეგრძნებას. ამიტომ გახსოვდეთ, რომ მათ ნაზად და რაც მთავარია, სიყვარულით უნდა მოვეპყრათ.
ოთახისთვის მცენარე საგულდაგულოდ უნდა შეარჩიოთ. ხვიარა ყვავილები მხოლოდ დანიშნულებისამებრ უნდა გამოიყენოთ. მოერიდეთ ოთახში წვეტიანი და ბასრი ფოთლების მქონე მცენარეებს. მომრგვალებული ფოთლების მქონე მცენარეები დადებითი ენერგეტიკის მატარებლები არიან.
ბოლო დროს კაქტუსი შემოვიდა მოდაში. ის თითქმის ყველა ოჯახში არის, თუმცა მასთან ფრთხილად უნდა ვიყოთ. კაქტუსი უარყოფითი ენერგეტიკის მატარებელი მცენარეა. ის იმდენად ძლიერია, რომ საყოფაცხოვრებო ტექნიკის მავნე გამოსხივებასაც კი ანეიტრალებს. ასე რომ, თუ კაქტუსი გაქვთ, გირჩევთ, ის უშუალოდ ტექნიკის სიახლოვეს მოათავსოთ. გაგრძელება
5 მცენარე, რომლებიც აუცილებლად უნდა გქონდეს სახლსა და ოფისში